Filamu ya Contagion ya miaka 10 iliyopita yatabiri kutokea mlipuko wa Virusi vya Corona ?, wapenzi wa ‘movies’ waisaka (+video)

Licha ya kuwahusisha wachezaji maarufu wakiwemo, Matt Damon, Jude Law, Gwyneth Paltrow, Kate Winslet na Michael Douglas, filamu hiyo ilishika nafasi ya 61 miongoni mwa filamu zilizoingiza mapato makubwa kwa mwaka huo.
Lakini filamu ya Contagion imerejea ghafla kwenye orodha ya filamu zilizopakuliwa zaidi kwenye Apple’s iTunes Store nchini Marekani, huku jina lake likisakwa zaidi katika Google.
Warner Bros. – studio ambayo ilitengeneza filamu ya Contagion – imesema kuwa ilikuwa ni ya 270 kwenye filamu maarufu mwezi Disemba, wakati taarifa ya kwanza ya mlipuko wa Virusi vya Corona au Covid-19 
Miezi mitatu baadae , Contagion iko nyuma ya filamu nane za Harry Potter franchise.
Yote hayo yamesababishwa na virusi vya corona  na kufananishwa kwa mlipuko wa hivi karibuni wa virusi vya corona na kilichoongelewa katika filamu miaka 10 iliyopita.
Sanaa ya maigizo ya maisha Life imitating art
Gwyneth Paltrow alikua akicheza kama mgonjwa wa mlipuko katika filamu Contagion
Vyombo kadhaa vya habari vimeanza kuandika habari ya filamu hii ya Contagion namna inavyozidi kujizoelea umaarufu na watu kuitafuta kupitia mitandaoni kutokana na kile kilichozungumza au guizwa kuendana na mlipuko wa ugonjwa wa virusi vya corona.
Katika filamu hiyo, nafasi ya mfanyabiashara mwanamke (ilichezwa na Paltrow) ambaye anaonekana akiuliwa na ugonjwa wa ajabu wa virusi alivyovipata alipokua katika safari yake ya Uchina, lakini baada ya kusababisha dharura ya afya kote duniani.
Uhusiano na Uchina ni mojawapo ya mambo mengi ya maisha halisia ambayo yameongeza umaarufu wa filamu hii katika wiki za hivi karibuni, huku watazamaji wakiitazama sana filamu ya Contagion.
Nia ya kutaka kuitazama filamu hii ilichochewa na ujumbe uliotumwa na Gwyneth Paltrow: mchezaji filamu mwanamke wa Kimarekani aliyetuma picha yake akiwa amevalia barakoa katika ndege iliyokua ikisafiri tarehe 26 Februari ikivuka maeneo ya pacifiki .
“Njia kuelekea Paris. mfadhaiko? Mkanganyiko ? mlipuko ? Propaganda?, Paltrow anaendelea na yote haya tu na kusinzia ndani ya ndege ,” zilisomwa ujumbe zake za Instagram
“Tayari nimeishawahi kuwa ndani ya filamu hii. Muwe salama. Msishikane mikono. Mnawe mikono mara kwa mara.” mchezaji filamu huyo mwenye ufuasi wa watu milioni 6 kwenye akaunti yake ya kijamii ya Instagram  aliandika.
mel.oleary @isaacboots just because she was an actress in a movie like that she thinks she knows how to prevent this stuff. there’s a difference between reading a script and saying some bs lines and going to medical school and learning about the RIGHT precautions to take against viruses. THIS isn’t one of them.

Mambo yanayofanana

Kuna mambo ya kushangaza yanayofanana ya hali halisi na yaliyomo katika filamu ya Contagion.
Mchezaji filamu Paltrow anapata virusi , vinavyoitwa MEV-1, kutoka kwa mpishi wa Hong Kong ambaye alimchinja nguruwe ambaye alipata maambukizi kupitia popo – kwa kusalimiana kwa mikono.
Halafu anasafiri kwa ndege kurudi nyumbani na kuugua sana, na kufa muda mfupi baadae. Baadae mwanae wa kiume anakufa pia, nafasi iliyochezwa na mume wake Matt Damon anabainika kuwa na kinga.
Kama ilivyo kaytika filamu ya Contagion, maafisa wa afya wanaamini kuwa mlipuko wa Covid-19 ulianzia kwa wanyama na kuenezwa kwa binadamu.
Katika maisha halisi, wataalamu wa afya wanaamini kuwa maambukizi ya binadamu kwa binadamu katika mji wa Uchina wa Wuhan ndiko ulikoanzia mlipuko wa Covid-19 mwezi Disemba.
Hata haikufikiriwa kwamba hii coronavirus pia ilianzia kwa ndege, kama tu ilivyokua katika mlipuko wa Sars wa mwaka 2002-03. Halafu uliambukizwa kwa binadamu kupitia viumbe wangine.
Jambo la kushangaza
Yaliyochezwa kwenye filamu na ugonjwa halisi husabishamatatizo ya kupumua, lakini MEV-1 ni jina lililotokana na virusi halisi vinavyoitwa Nipah, ambavyo haviko katika familia moja na virusi vya Covid-19.
Popo wamehusishwa na virusi vya kufikirika katika filamu ya Contagion vya MEV-1 na vile halisi vya Covid-19

Kutengwa

Wakati mlipuko unaposhukiwa katika filamu, wahudumu kutoka huduma za uchunguzi wa mlipuko – Epidemic Intelligence Service – ambalo ni shirika halisi -wanasambazwa kujaribu kutambua na kuwatenga watu walioambukizwa.
Katika filamu, mji wa Marekani wa Chicago ni sehemu ya maeneo yenye taswira ya umati wa watu waliotengwa, jambo ambalo lilifabyika Uchina.
Italia pia sasa imeyatenga majimbo kadhaa ya kaskazini mwa nchi kwa lengo la kukabiliana na kusambaa kwa Covid-19.
Kurejea tena kwaumaarufu wa filamu ya Contagion kumemshangaza Scott Z Burns, ambaye aliyeandika maneno ya filamu.
Lakini katika mahojiano na jarida la Fortune alisema kuwa wazo la awali la Contagion lilikua ni kuionyesha jamii ya sasa kuwa inakabiliwa na tisho la kupata milipuko ya aina hiyo.
“Kile kilicho muhimu zaidi na cha uhakika ni jinsi jamii inavyokabiliana na kuenea kwa hofu na athari za mlipuko wenyewe .”
Scott Z Burns wrote the script for contagion
Huenda alikua akizungumzia mchezaji mmoja katika filamu ya Contagion : nadharia ya mpango wa siri ya mwanablogi aliyeitwa Alan Krumwiede.
Nafasi iliyochezwa na Jude Law, Krumwiede alisambaza taarifa za uvumi zisizo na msingi wowote juu ya virusi na kutoa taarifa gushi juu ya toba ya virusi.
The Nipah virus, which has a fatality of up to 75%, served as inspiration for the disen

Ukweli wa kuaminika wa kisayansi

Umaarufu wa filamu ya Contagion unaweza pia kuelezewa kwa jinsi Burns alivyotaka kujitolea kuhakikisha kwamba inaaminiwa kisayansi.
Aliomba ushauri kwa jopo la wanasayansi wataalamu wa virusi na wataalamu wa milipuko, mkiwemo WHO, alipokua akiandika mistari ya maneno ya filamu
Walimpa baadhi ya ushauri wa kuaminika
” Nilipozungumza na wataalamu katika sekta hii, wote waliniambia kwamba mlipuko sio suala la kama, bali ni suala la lini ” Burns alimwambia mwandishi wa habari wa Hollwood

Post a Comment

0 Comments